រវល់មកសៀមរាបទៅដល់ផ្ទះវិញឆេះគ្មានសល់ដោយសារឆ្លងចរន្តអគ្គិសនី
11-December-2017 | ដោយ ពលមនសិការ
សៀមរាប ៖ អគ្គិភ័យបានឆាបឆេះផ្ទះមួយខ្នងធ្វើអំពីឈើ ជញ្ជាំងក្ដា ប្រក់ក្បឿង ទំហំ ០៧ម៉ែត្រគុណ០៩ម៉ែត្រ និងសម្ភារៈប្រើប្រាស់ក្នុងផ្ទះបានរងការខូចខាតអស់ទាំងស្រុងដោយាសារទុស្សេខ្សែភ្លើងខណៈម្ចាស់ផ្ទះចាក់សោរទុកចោល។ ហេតុការណ៍នេះកើតឡើងនៅម៉ោង១៤និង០០នាទី ថ្ងៃទី១០ខែធ្នូ ឆ្នាំ២០១៧ នៅ ភូមិគោកដូងចាស់ ឃុំគោកដូង ស្រុក អង្គរជុំ ខេត្តសៀមរាប។
លោកវរសេនីយ៍ឯក ម៉ាន់ សុខាត់ អធិការនគរបាលស្រុកអង្គរជុំបានឲ្យដឹងថា មានករណីអគ្គិភ័យ បានឆេះផ្ទះម្ចាស់ផ្ទះឈ្មោះ ណាប់ ផន ភេទប្រុស អាយុ៣៨ឆ្នាំ និងប្រពន្ធឈ្មោះ ចាន់ ណារិន ភេទស្រី អាយុ៣៤ឆ្នាំរស់់នៅភូមិគោកដូងចាស់ ឃុំគោកដូង ស្រុក អង្គរជុំ ខេត្តសៀមរាប។ បណ្ដាលឲ្យខូចខាត ផ្ទះ០១ខ្នង អំពីឈើ ជញ្ជាំងក្ដា ប្រក់ក្បឿង ទំហំ ០៧ម៉ែត្រគុណ០៩ម៉ែត្រ និងសម្ភារៈប្រើប្រាស់ក្នុងផ្ទះ ទាំងស្រុង។លោកបន្តថាមួលហេតុនៃការឆាបឆេះនេះគឺបណ្តាលមកពីទុស្សេខ្សែភ្លើងហើយម្ចាស់ផ្ទះចាក់សោរទុកចោលដោយគាត់ជាប់រវល់ទៅសៀមរាប។លោកបន្ថែមថាហេតុការណ៍នេះគឺសមត្ថកិច្ចមិនអាចទៅជួយទាន់នោះទេដោយសារផ្លូវចូលតូចពេកទើបបណ្តាលឲ្យឆេះទាំងតែម្តង។ប៉ុន្តែក្នុងហឹតុការណ៍នោះមិនមាននរណាម្នាក់រងរបួសឬក៏បាត់បង់អាយុជីវិតនោះឡើយ។លោកបញ្ជាក់ថាករណីនេះមិនមានឆេះរាលដាលទៅផ្ទះអ្នកដ៏ទៃនោះទេ ៕
ចំនួនអ្នកទស្សនា
- ថ្ងៃនេះ6931
- ម្សិលមិញ10851
- សប្តាហ៍នេះ73451
- ខែនេះ188601
- ឆ្នាំនេះ188601
- សរុប20631057